എഴുതേണ്ടത്‌

കടല്‍ക്കരയില്‍ കഥ എഴുതി പഠിച്ചിരുന്നവനെ
കരളില്‍ കവിത എഴുതാമെന്നു പഠിപ്പിച്ചവള്‍
കരയും മനസ്സിനു കൂട്ടുവന്നവള്‍
നെഞ്ചില്‍ കൂടു കൂട്ടിയവള്‍
കവിളില്‍ ഉമ്മതന്നവള്‍...
അവള്‍ തനിച്ചാക്കി പോയപ്പോള്‍
എന്തെഴുതേണ്ടു ഇനി ഞാന്‍
കഥയോ കവിതയോ
പുതിയൊരു പ്രണയലേഖനമോ?

പ്രണയം

പ്രണയം സൗഹൃദത്തിന്‍ ജാരസന്തതിയാകുന്നു
അവളതിനെ ഗര്‍ഭഛിദ്രം ചെയ്തിരിക്കുന്നു
പിറക്കാതെ പോയെന്‍ കുഞ്ഞിന്റെ  പേരാണു പ്രണയം
അറിയാതറുത്തു  പോയ സ്നേഹത്തിന്‍  വേരാണു പ്രണയം

പ്രണയം/പ്രയാണം

സുമംഗലിയായി അവള്‍ മാഞ്ഞു പോയീടിലും
എന്റെ പ്രണയം മരിക്കുന്നില്ല
മംഗളം അവള്‍ക്കായി നേര്‍ന്നു ഞാന്‍
എന്‍(പ്രണയ)പ്രയാണം തുടരുന്നു